اترپردیش کے ضلع مئو میں گزشتہ پانچ برسوں کے دوران پنچایتوں میں ترقیاتی کاموں کی حقیقت بتاتے ہوئے مقامی لوگوں نے کہا کہ 'گزشتہ پانچ سالوں میں بہت سارے ایسے مسائل ہیں، جنہیں حل نہیں کیا گیا۔
دراصل بتایا جا رہا ہے کہ ریاست اترپردیش میں جلد ہی پنچایت انتخاب کا اعلان کیا جائےگا۔ اسی ضمن میں ای ٹی وی بھارت سے بات کرتے ہوئے مئو کے دھرولی گاؤں پنچایت کی عوام نے بتایا کہ 'گاؤں میں سڑک جیسی بنیادی سہولیات کی سخت درکار ہے۔ دھرولی کے باشندے چاہتے ہیں کہ گاؤں میں سڑک اور سیور سسٹم کی بہتر سہولت فراہم ہو۔'
مئو کے دھرولی گاؤں پنچایت کے بیشتر باشندے زراعت سے منسلک ہیں۔ وہیں گاؤں میں چند افراد ذریعے معاش کی تلاش میں دیگر ریاستوں یا بیرون ملک میں بھی مقیم ہیں۔ دھرولی کے بنیادی مسائل پر بات چیت کے دوران کاشتکار عقیل احمد خان نے اپنا درد بیان کرتے ہوئے کہا کہ آوارہ جانوروں کی وجہ سے راتوں کی نیند حرام ہو چکی ہے۔
یہ بھی پڑھیں: بھارتیہ کسان یونین کے رہنما راکیش ٹکیت سے خاص بات چیت
وہیں مئو کے گاؤں پردھان سنگھ نے حال ہی میں حکومت سے مطالبہ کیا ہے کہ 'گاؤں پنچایتوں کی میعاد ختم ہونے کے بعد پردھان کو ہی منتظم کار مقرر کیا جائے نہ کہ کسی سرکاری افسر کو۔'
