ریاست اترپردیش کے ضلع بارہ بنکی میں نہر کی صفائی کا افتتاح کرنے آئے اترپردیش حکومت کے محکمہ آبپاشی کے وزیر مہندر سنگھ نے بدعنوانی کی شکایت ملنے پر آبپاشی افسران کو سخت الفاظ میں ہدایت دی۔
انہوں نے کہا کہ 'اس معاملے پر کارروائی کی جائے اور شکایت کو سنجیدگی سے لیا جائے۔'
نہروں کی صفائی سے متعلق اترپردیش حکومت سخت
بارہ بنکی ضلع کے مجیٹھا گاؤں میں نہر کی صفائی کا افتتاح کرنے کے بعد مہندر سنگھ نے کہا کہ 'یوپی حکومت ریاست کی تمام نہروں کی صفائی کرائے گی۔'
انہوں نے بتایا کہ 'اس مہم میں سب سے اپیل ہے کہ وہ نہر کی صفائی کا خیال رکھیں اور صفائی نہ ہونے پر اس کی اطلاع دیں تاکہ 15 دسمبر تک اگر نہر صاف نہیں ہوئی تو متعلقہ حلقے کے افسران کو سزا دی جا سکے۔'
