پرینکا گاندھی واڈرا نے ایک ٹوئٹ میں لکھا کہ 'ان کسانوں کا درد سنیں۔ ژالہ باری اور شدید بارش کی وجہ سے اترپردیش کی تمام جگہوں پر کسانوں کی فصل برباد ہو گئی۔ بہت سے کسانوں کی تو 80 فیصد تک فصل برباد ہو گئی ہے۔ اترپردیش کی بھارتیہ جنتا پارٹی حکومت کو کھوکھلے دعوے کرنے کے بجائے نقصان کا مکمل اندازہ لگا کر کسانوں کو مناسب معاوضہ دینا چاہیے۔
محترمہ پرینکا گاندھی کا یہ بیان جمعہ کے روز ریاست میں ژالہ باری کے سلسلے میں تھا۔ انہوں نے اس کے ساتھ ایک ویڈیو بھی شیئر کیا ہے جس میں کھیت میں برباد ہوئی فصل کے بیچ میں ایک کسان اپنا سر پکڑے بیٹھا ہوا ہے۔
