لاک ڈاون کے چلتے اترپردیش پولیس عوام کو گھروں سے باہر نہ نکلنے کی اپیل کررہی ہے۔ مرادآباد سپرنٹنڈنٹ آف پولیس امیت آنند نے ای ٹی وی بھارت سے بات کرتے ہوئے عوام کو لاک ڈاون پر سختی سے عمل کرنے کی اپیل کی۔
انہوں نے کہا کہ 55 گھنٹوں کے لاک ڈاون کے دوران مرادآباد میں پولیس لاوڈ اسپیکر کے ذریعہ عوام کو گھروں سے باہر نہ نکلنے اور لاک پر سختی سے عمل کرنے کی تلقین کر رہی ہے۔
پولیس کے اعلیٰ عہدیدار بھی سڑکوں پر گھوم کر لاوڈ اسپیکر کے ذریعہ عوام کو انتباہ دے رہے ہیں۔ عوام کو کرونا وائرس کے علاوہ دیگر بیماریوں سے بھی محفوظ رہنے کا مشہورہ دیا جارہا ہے۔ عوام سے گھروں کے آس پاس صاف ستھرائی کا خیال رکھنے کی اپیل کی جارہی ہے تاکہ ڈینگو بیماری سے محفوظ رہ سکے۔
پولیس کی جانب سے عوام کو کورونا وبا سے بچنے کےلیے ماسک کا استعمال، ہاتھوں کو بار بار سنیٹائز کرنے اور سماجی فاصلہ برقرار رکھنے پر زور دیا جارہا ہے۔
ریاست میں لاک ڈاؤن کے دوران بے ضرورت سڑکوں پر گھومنے والے افراد کے خلاف پولیس سخت کاروائی کر رہی ہے۔
