امروہہ کے تھانہ دیہات علاقے میں واقع سبودھ نگر کالونی کا رہنے والا ونیت سینی نامی نوجوان اتراکھنڈ کے چمولی میں گلیشیئر سانحہ کے بعد سے لاپتہ ہے۔
ونیت کی بہن کاجل نے ای ٹی وی بھارت کو بتایا کہ اس کا بھائی تپووَن ہائیڈرو پاور پلانٹ میں اوم میٹل انفرا پروجیکٹ لمیٹیڈ کمپنی میں کام کرتا تھا اور اس حادثے کے بعد سے ہی اس کا کوئی سراغ نہیں ہے۔
فی الحال ونیت کے والد دلچند سینی اور کنبہ کے دیگر افراد اس کی تلاش کے لیے اتراکھنڈ گئے ہیں لیکن ابھی تک ونیت کا کوئی سراغ نہیں مل سکا ہے۔
امروہہ کے ڈی ایم اُمیش مِشرا کو جب یہ اطلاع ملی تو اُنہوں نے امروہہ کے تحصیلدار ابھے کمار کو ونیت کے گھر بھیجا۔
اُمیش مشرا نے بتایا کہ وزیراعلی کے احکامات کے مطابق اتراکھنڈ میں پھنسے لوگوں سے رابطہ کر کے ان کے اہل خانہ سے بھی بات کی گئی ہے نیز انہیں ہیلپ لائن نمبر بھی دی گئی ہے۔
