زخمی ہونے والے کشن لال کو علاج کے لئے وارانسی کے اسپتال میں داخل کرایا گیا ہے۔
پولیس اہلکار کی شناخت سروش کے نام سے ہوئی ہے جو اس وقت ضلع گونڈا میں تعینات ہے۔
یہ واقعہ منگل کے روز کمال پور گاؤں میں پیش آیا جب شرابی پولیس اہلکار نے مبینہ طور پر خواتین کو ہراساں کیا۔
یہ خواتین گاؤں میں شادی کی ایک تقریب میں شرکت کے لئے جارہی تھیں۔ پولیس اہلکار اور اس کے دوست سڑک کے کنارے شراب پی رہے تھے اور انہوں نے خواتین پر قابل اعتراض تبصرے کیے۔ جب کشن لال نے اعتراض کیا تو لڑائی جھڑپ شروع ہوگئی۔ اسی دوران پولیس اہلکار نے کشن لال کو گولی مار دی۔
پولیس ترجمان نے بتایا کہ پولیس اہلکار سمیت تین افراد کو گرفتار کیا گیا ہے، ان پر متعلقہ دفعات کے تحت مقدمہ درج کیا گیا ہے۔
