رجسٹرڈ مزدوروں کے بچوں کو مفت میں تعلیم کا فیصلہ

اترپردیش حکومت نے چترکوٹ ڈویژن میں محکمہ عملہ میں رجسٹر مزدوروں کے بچوں کو مفت تعلیم دینے کی اسکیم کے تحت اٹل رہائشی کالج کے قیام کر فیصلہ کیا ہے۔

لیبر انفورسمنٹ افسر ارون کمار تیواری نے سنیچر کو بتایا کہ ضلع میں 30 ہزار خاتون و مرد مزدوروں نے محکمہ میں رجسٹریشن کرایا ہے۔ مزدوروں کے بچوں کو اچھی اور مفت تعلیم دینے کے لئے انتظامیہ نے چترکوٹ میں اٹل رہائشی انٹر کالج کھولنے کا فیصلہ کیا ہے۔ کالج میں طلبہ و طالبات کو جماعت اول سے لے کر انٹر تک کی تعلیم مفت دی جائےگی۔ یہ کالج 30 ایکڑ زمین پر 50 کروڑ روپئے کے اخراجات سے قائم کیاجائےگا۔
انہوں نے بتایا کہ زمین کی فراہمی کے لئے ڈویژن افسران کو خط لکھ کر زمین دستیاب کرانے کو کہا گیا ہے تاکہ کالج کی تعمیر کا کام جلد ہی شروع کیا جاسکے۔یہ حکومت اترپردیش کی ترجیحاتی اسکیم میں شامل ہے۔ اس میں ہزاروں بچے جو مہنگی تعلیم کی وجہ سے اچھے کالجوں میں داخلہ نہیں لے سکتے ہیں انہیں تعلیم حاصل کرنے کا موقع ملے گا۔
مسٹر تیواری نے بتایا کہ 30 ایکٹر زمین پر کالج اور ہاسٹل بنایا جائےگا۔ ابھی تک اس قسم کی سہولت 12 اضلاع میں تھی اس میں اب چترکوٹ ڈویژن بھی شامل کرلیا گیا ہے۔ کالج کی تعمیر کے بعد حکومت کی جانب سے جو ہدایت دی جائے اسی کی بنیاد پر کام کیاجائےگا۔