وزیر اعلی یوگی آدتیہ ناتھ کے والد آنند سنگھ بشٹ کی طبیعت خراب ہونے کی وجہ سے انہیں تشویشناک حالت میں ایمس دہلی میں داخل کرایا گیا ہے۔
حکومت کے اعلی عہدیداروں کے مطابق ان کی حالت تشویشناک ہے اور وہ ایمس میں لائف سپورٹ سسٹم پر ہیں۔ جگر سے متعلقہ پریشانیوں کی وجہ سے وہ پچھلے کچھ دنوں سے ایمس میں داخل ہیں اور ان کا علاج چل رہا ہے۔
اترپردیش کے ایڈیشنل چیف سکریٹری ہوم اینڈ انفارمیشن اونیش اوستھی نے دیر رات ای ٹی وی بھارت کے نمائندے کو فون پر بتایا کہ وزیر اعلی یوگی آدتیہ ناتھ کے والد آنند سنگھ بشت فی الحال دہلی ایمس میں داخل ہیں اور لائف سپورٹ سسٹم پر ہیں۔
ایمس کے سینیئر ڈاکٹرز مستقل طور پر ان کی صحت کا خیال رکھ رہے ہیں اور ان کا علاج کر رہے ہیں۔ محکمہ گیسٹروولوجی کے ڈاکٹر ان کا علاج کر رہے ہیں، لیکن ان کی حالت تشویشناک بتائی جارہی ہے۔
