ریاست اترپردیش کی سات اسمبلی سیٹوں پر تین نومبر کو ہونے والی ووٹنگ کے لیے آج شام چھ بجے تشہیر ختم ہوگئی۔ امروہہ کی نوگاؤں سعادت، بلند شہر، فروز آباد کی ٹنڈلا، اناؤ کی بانگرمؤ، کانپور کی گھاٹم پور، دیوریا اور جونپور کی ملہانی سیٹ پر منگل کو ووٹنگ ہوگی۔
ان میں چھ سیٹیں بھارتیہ جنتا پارٹی کے پاس اور ایک ملہانی سیٹ سماجوادی پارٹی کے پاس تھی۔ امیدوار اب گھر گھر جاکر تشہیر کر رہے ہیں۔
ووٹوں کی گنتی 10 نومبر کو ہوگی۔ ان ضلعوں میں 48 گھنٹے پہلے شراب کی دکانیں بند کر دی گئی ہیں۔ پیر کو پولیس فورس اور پولنگ پارٹیوں کو روانہ کیا جائے گا۔
