اترپردیش میں روزانہ تقریبا 650 بچے عدم تغذیہ کی وجہ سے موت کے شکار ہوتے ہیں۔
سرکاری اعدادوشمار کے مطابق یہ حالات گزشتہ چار پانچ سال سے بنے ہوئے ہیں۔ بچوں کو صحت بخش خوراک کے لئے ریاستی حکومت کروڑوں روپئے خرچ کرتی ہے۔ اترپردیش کے گاؤں میں 25 فیصد سے زیادہ بچے عدم تغذیہ کا شکار ہیں۔ 7 ستمبر سے تغذیہ ماہ شروع ہونے پر حکومت ایک اختراعی اسکیم شروع کررہی ہے۔ اس اسکیم کے تحت اگلے چھ مہینوں میں عدم تغذیہ میں ایک فیصدی کمی لانے کا ہدف رکھا گیا ہے۔
ریاستی حکومت اب عدم تغذیہ کے شکار بچوں کے کنبوں کی شناخت کر کے ایک گائے بھی دے گی اور اس کی دیکھ بھال کا خرچ بھی فراہم کرے گی تاکہ بچوں کو اچھی خوراک مل سکے۔ حکومت ایسے فی کنبے کو گائے کی دیکھ بھال کے لئے 900 روپئے فی ماہ دے گی۔ وزیر اعلیٰ دو مہینے بعد اس کام کا خود جائزہ لیں گے اور اچھا کام کرنے والے اضلاع کو انعام سے نوازیں گے۔
