اتر پردیش کے ضلع امروہہ کے ہاشمی گرلز ڈگری کالج میں اردو ویک سیلیبریشن کے تحت ایک سمینار منعقد کیا گیا۔ اس سمینار کا عنوان 'علامہ اقبال اور اسلامی اقدار' تھا اور اس پروگرام میں اردو دانشوروں نے شرکت کر کے علامہ اقبال کی حیات و خدمات پر روشنی ڈالی۔
اس موقع پر ڈاکٹر سراج الدین ہاشمی نے اردو کی اہمیت و افادیت پر روشنی ڈالتے ہوئے کہا ہم سب کو اردو پڑھنا لکھنا اور بولنا آنا چاہیے۔ ہماری ذمہ داری ہے کہ اردو کے لئے کام کریں کیونکہ ہم امروہہ میں رہتے ہیں اور امروہہ ایک ادبی شہر ہے۔
ڈاکٹر سراج الدین نے نور امروہوی کا ایک شعر بھی پڑھا:
سلیقہ اہل امروہہ سے سیکھو ہم کلامی کا
یہاں کی گفتگو بھی میر کے دیوان جیسی ہے
یہ بھی پڑھیں: آپسی رضامندی سے ہوئی شادی میں والدین کی مداخلت ناقابل قبول: جموں و کشمیر ہائی کورٹ
پروگرام کے مہمان خصوصی شاعر کشش وارثی نےعلامہ اقبال کے یوم پیدائش کو یوم اردو کے طور پر منانے اعتراض کرتے ہوئے کہا کہ علامہ اقبال کا ترانہ بھلے ہی ہندوستان میں گنگنایا جاتا ہو لیکن وہ پاکستان چلے گئے تھے۔ یوم اردو سر سید احمد خاں کے یوم پیدائش پر منایا جانا چاہیے۔
