شہریت ترمیمی بل کو لیکر پورے ملک میں مسلمان کافی تشویش میں نظر آ رہے ہیں۔
مختلف مقامات پر سی اے بی کے خلاف پرزور مظاہروں کا سلسلہ جاری ہے۔
دراصل وزیر داخلہ امت شاہ نے پارلیمنٹ میں جو شہریت ترمیمی قانون کا مسودہ پیش کیا تھا اور اب پاس بھی ہو چکا ہے اس میں مسلمانوں کو چھوڑ کر باقی تمام فرقوں کو، جو معینہ مدت ہندوستان میں رہ چکے ہوں، انہیں شہریت دینے کی بات کی گئی ہے۔ جبکہ اس میں مسلمانوں کا کہیں کوئی ذکر نہیں کیا گیا ہے۔
اس کو لیکر عام مسلمانوں کے ساتھ ہی بی جے پی سے نیا نیا جڑا مسلمان بھی کہیں نہ کہیں تشویش میں نظر آ رہے ہیں۔ ریاست اترپردیش کے اسمبلی حلقہ رامپور شہر میں حالیہ دنوں میں ہوئے اسمبلی انتخابات میں بی جے پی امیدوار بھارت بھوشن گپتا کو بڑی تعداد میں پہلی مرتبہ مسلمانوں کا ووٹ حاصل ہوا تھا۔ اپنے مسلم ووٹرز کا اعتماد قائم رکھنے کے لئے آج بی جے پی امیدوار نے اپنی رہائش گاہ پر ان مسلمانوں کے ساتھ ایک خصوصی نشست کا اہتمام کیا اور حکومت کی جانب سے پیش کئے گئے شہریت ترمیمی قانون سے متعلق سمجھانے کی کوشش۔
اس سے پہلے انہوں نے میڈیا کے نمائندوں سے بھی بات کی۔ سی اے بی کو لیکر جب بھارت بھوشن گپتا سے سوالات کئے گئے تو انہوں نے کسی بھی سوال کا معقول جواب نہیں دیا۔
