اطلاعات کے مطابق پولیس نے غازی آباد کے کھوڈا علاقے سے 12 مشتبہ افراد کو بی جے پی چیئرپرسن کی شکایت پر حراست میں لیا ہے 12 Persons Detained From Khora Near Polling Booth۔ پولیس کے مطابق وہ پولنگ سنٹر کے باہر کھڑے تھے، جب پولیس نے ان سے پوچھ گچھ کی تو وہ وہاں ہونے کی وجہ نہیں بتا سکے۔
اسے قبل ایس پی امیدوار امرپال شرما بھی یہاں پہنچے تھے۔ میونسپلٹی چیئر پرسن بی جے پی سے ہے۔ اس لیے الزام ہے کہ امرپال شرما کو دیکھ کر وہ مشتعل ہوگئی، جس کے بعد پولیس اور میونسپلٹی چیئر پرسن رینا بھٹی کے درمیان جھگڑا شروع ہوگیا۔ پولیس کا کہنا ہے کہ ماحول مکمل طور پر قابو میں ہے۔ کسی قسم کی کوئی گڑ بڑی نہیں ہے۔
بلدیہ کھوڈا کی چیئرپرسن رینا بھٹی کا کہنا ہے کہ ہم جہاں ووٹ ڈالنے آئے تھے وہاں کچھ نامعلوم لوگ آگئے۔ وہ باہر والے تھے۔ ان سے پوچھ گچھ کی کوشش کی گئی تو وہ بھاگ گئے۔ رینا بھٹی کا کہنا ہے کہ انہوں نے پولیس کو اطلاع دی تھی کہ یہاں کچھ مشکوک لوگ موجود ہیں۔ انہوں نے کہا کہ مجھے ووٹ ڈالنے سے روکا گیا اور جو لوگ آئے وہ ہتھیاروں سے لیس تھے۔ جبکہ غازی آباد پولیس کا کہنا ہے کہ حراست میں لیے گئے 12 افراد سے معلومات جمع کی جا رہی ہے۔ ان سے شک کی بنیاد پر پوچھ گچھ کی جارہی ہے کہ وہ انتخابی عمل میں کوئی خلل نہیں ڈالنا چاہتے تھے۔
مزید پڑھیں:
