آئی جی کے ستیہ نارائن نے بتایا تھا کہ مختار انصاری کو خصوصی تحفظ کے ساتھ روپڑ جیل سے باندہ لایا جائے گا۔ اس کے ساتھ ہی بندہ منڈل جیل میں سکیورٹی بڑھا دی گئی ہے۔ جیل میں آنے جانے والے لوگوں کے ساتھ ہی جیل میں آنے والے ملزموں پر بھی نظر رکھی جائے گی۔
جیل میں جیل پولیس کے علاوہ دو انسپکٹر، اضافی پولیس فورس بھی جیل کے باہر موجود رہیں گے۔
مختار انصاری ابھی پنجاب کی روپڑ جیل میں بند ہیں، اب سپریم کورٹ کی ہدایت پر یوپی حکومت انہیں یوپی لانے کی تیاری میں مصروف ہے، جیل انتظامیہ بھی اس کے لیے میٹنگ کررہی ہے، مختار انصاری کو فی الحال باندہ جیل میں رکھنے کے لیے حکمت عملی تیار کی گئی ہے۔ انہیں باندہ کی 15-16 نمبر بیرک میں رکھا جائے گا، اس کے لیے جیل انتظامیہ نے پوری تیاری مکمل کرلی ہے۔
گینگسٹر مختار انصاری کے مقدمے اور ان کی کسٹڈی ٹرانسفر کی عرضی پر سپریم کورٹ نے 26 مارچ کو فیصلہ سنایا تھا۔کورٹ کہا تھا کہ انصاری کو دو ہفتے میں اترپردیش کی جیل میں شفٹ کرنا ہوگا، پنجاب حکومت کی دلیلوں سے عدالت مطمئن نہیں ہوئی تھی۔
