مختار انصاری کا میڈیکل ٹیسٹ ڈاکٹروں کی چار رکنی ٹیم نے کیا۔ اس کے بعد کووڈ 19 جانچ کی گئی۔ مختار انصاری کی انٹیجن ٹیسٹ رپورٹ منفی آئی ہے۔
اس کے بعد دیگر جانچ کے لیے مختار انصاری کا بلڈ سیمپل بھی لیا گیا ہے۔ اس کی رپورٹ آنے کا انتظار ہے۔
جانکاری کے مطابق مختار انصاری چھ دن تک 16 نمبر بیرک میں رہیں گے۔ اس کے بعد مختار کو 15 نمبر بیرک میں منتقل کر دیا جائے گا۔
غور طلب ہے کہ مختار کے باندہ پہنچنے سے قبل پولیس آدھی رات میں جیل کی سکیورٹی کو مضبوط بنانے میں مصروف تھی۔ آدھی رات کو منڈل جیل کے مرکزی دروازے پر سی سی ٹی وی کیمرے لگائے گئے۔ ساتھ ہی ابھی ایک پلاٹون پی ایس سی بھی جیل پہنچی۔ جیل کے باہر پولیس کی بھاری نفری بھی تعینات کر دی گئی تھی۔ آدھی رات کو 40 پولیس اہلکار جیل میں تعینات کیے گئے۔ مختار کے بیرکوں کی دیواروں میں سی سی ٹی وی لگانے کے بارے میں بھی معلومات موصول ہو رہی ہے۔
دراصل سکیورٹی کو لے کر پولیس کی گاڑیاں جیل سے لے کر شہر کے باہر تک ہر جانب وقتاً فوقتاً گشت کر رہی ہیں تاکہ کہیں بھی سکیورٹی میں کوئی کمی نہ ہو۔ باندہ جیل میں بھی پولیس فورس پوری طرح مستعد ہے۔ یہاں کے سکیورٹی اہلکار مکمل طور پر الرٹ ہیں۔
مزید پڑھیں:
