ریاست اُتر پردیش کے ضلع مظفر نگر کے تھانہ شہر کوتوالی کے علاقے کے پانچ مکھی کالونی کا یہ واقعہ ہے جہاں آج اپنے ہی گھر میں ایک نوجوان نے سینے میں گولی مار کر خودکشی کرلی ۔
گھر میں گولی کی آواز سن کر گھر کے سارے لوگ کمرے کی طرف بھاگے۔ جہاں یہ نوجوان خون سے لت پت کمرے میں پڑے دیکھا گیا ۔
گھروالوں نے زخمی نوجوان کو ہسپتال میں داخل کرایا جہاں ڈاکٹروں نے ان کی موت کی تصدیق کی۔
پولیس نے جا ئے وقوع پرپہنچ کر تفتیش شروع کردی ۔ شہر کوتوالی پولیس اور سی او سٹی ہریش بھڈوریا موقع پرپہنچے۔ پولیس نے واقعے کا جائزہ لیتے ہوئے مردہ شخص کی لاش کو پوسٹ مارٹم کے لئے بھیج دیا۔
سی او سٹی ہریش بھڈوریا نے بتایا کہ نشانت نام کے ایک لڑکے کی مشکوک حالات میں گولی لگنے موت ہو گئی ، کنبہ کے افراد نے بتایا کہ وہ ذہنی طور پر بیمارتھا جس کی وجہ سے اس نے خود کو گولی ماری۔ گھروالوں کے بیان پر آگے کارروائی کی جائے گی ۔خودکشی کرنے والے نوجوان شری رام کالج میں ملازمت کرتا تھا ۔
