ستیش شرما نے انہیں وزیر مملکت بنائے جانے کے لئے پارٹی اعلیٰ کمان کا شکریہ ادا کیا اور یقین دہانی کرائی کی وزیر کے طور ترقی کے ہر ممکن کوشش کریں گے۔ Minister Satish Sharma Reached Barabanki۔ واضح ہو کہ ستیش شرما بارہ بنکی کی دریاباد اسمبلی نشست سے دوسری دفعہ رکن اسمبلی منتخب ہوئے ہیں۔ انہوں نے سماجوادی پارٹی کے امیدوار سابق وزیر اروند سنگھ گوپ کو 30 ہزار سے زیادہ ووٹوں سے شکست دی ہے۔ اسی کے انعام کے طور پر انہیں کابینہ میں شامل کیا گیا ہے۔
یہ بھی واضح ہو کہ پچھلی یوگی سرکار میں بارہ بنکی سے کوئی وزیر نہیں تھا۔ ستیش شرما کے وزیر بنائے جانے سے کارکنان کے ساتھ لوگوں میں بھی خوشی ہے۔ یہی وجہ ہے کہ لکھنؤ کی جانب سے بارہ بنکی کی حد شروع ہوتے ہی ان کا جگہ جگہ گرم جوشی سے استقبال کیا گیا۔ بارہ بنکی شہر پہنچنے پر سب سے پہلے انہوں نے شہید فلائیٹ لیفٹیننٹ شنکر دیال واجپائی کے مجسمے اور سردار ولبھ بھائی پٹیل کے مجسمے پر گل پوشی کی۔ اس کے بعد انہوں نے کہا کہ وہ وزیر کے طور ترقی کے لئے ہر ممکن کوشش کریں گے۔
