ریاست اترپردیش کے ڈائرکٹر جنرل آف پولیس کی اپیل پر پولیس اہلکاروں نے اپنی ایک دن کی تنخواہ کورونا وائرس سے متعلق کئے جارہے راحتی کاموں کے لئے وزیر اعلی راحت فنڈ میں عطیہ کئے ہیں ۔
یہ رقم کورونا وائرس کے انفیکشن کے پیش نظر ریاست کے ڈی جی پی کی اپیل پر محکمہ پولیس کے تمام ملازمین کی مرضی سے جمع کی گئی ہے۔
ڈی جی پی نے بتا یا کہ پولیس ملازمین کو میسیج دیا کہ آج پوری دنیا کورونا وائرس سے متاثر ہے۔ اس سے بچاؤ کا واحد طریقہ سوشل ڈسٹینسینگ ہے۔
انہوں نے سبھی پولیس اہلکاروں کا شکریہ ادا کرتے ہوئے کہا کہ آپ لوگوں نے لاک ڈاؤن میں باہر نہ نکلنے کے لیے عوام کو سجھایا اور کمزوروں کی مدد کی۔
آپ کے کام کی تعریف آج میڈیا کر رہی ہے۔ مجھے یہ دیکھ کر خوشی ہوئی کہ یو پی حکومت نے پولیس اہلکاروں کے لئے 50 لاکھ روپے کا بیمہ دیا ہے۔
ڈی جی پی نے کہا کہ صوبے کے سبھی پولیس تھانہ، چوکی، پولیس لائن کو سینیٹائز کروایا گیا ہے تاکہ کسی کو دقت نہ ہونے پائے۔
انہوں نے کہا کہ' میری سبھی پولیس اہلکاروں سے اپیل ہے کہ وہ ڈیوٹی کے دوران کھانے پینے کا خاص خیال رکھیں۔ ماسک کا استعمال کریں اور ضرورت پڑنے پر پی پی ای کا بھی استعمال کریں۔
ڈائرکٹر جنرل آف پولیس کی اپیل پر پولیس اہلکاروں نے اپنی ایک دن کی تنخواہ 20 کروڑ روپے کورونا وائرس سے متعلق کئے جارہے راحتی کاموں کے لئے وزیر اعلی راحت فنڈ میں عطیہ کئے ہیں۔ اس کے لیے ہم آپ سبھی کے شکر گزار ہیں۔
