میرٹھ: دہلی اور این سی آر کے اضلاع میں کورونا انفیکشن کے معاملوں میں تیزی کے پیش نظر یوپی حکومت نے احتیاطی اقدام اٹھاتے ہوئے اب ریاست میں ایک بار پھر سے کورونا انفیکشن کو روکنے کے لیے مختلف مقامات پر ماسک کو لازمی قرار دیا ہے۔ اس کے ساتھ بھیڑ بھاڑ والے علاقوں میں سماجی دوری کو بھی بنائے رکھنے کی ہدایت دی گئی ہے۔ میرٹھ میں بھی پولیس اب کورونا گائیڈ لائن پر سنجیدگی سے عمل کرانے کے لئے عوام سے ماسک اور سماجی دوری بنانے رکھنے کی اپیل کر رہی ہے تاکہ کورونا انفیکشن کو پھیلنے سے روکا جا سکے Mask Compulsory in Meerut۔
این سی آر کے اضلاع میں کورونا انفیکشن سے متاثرہ مریضوں کی تعداد میں اضافے کے پیش نظر حکومت نے نئی گائیڈ لائن جاری کرتے ہوئے سب کے لیے ماسک کو لازمی قرار دیا ہے۔ این سی آر میں کورونا انفیکشن کے معاملوں میں ایک بار پھر تیزی نظر آ رہی ہے اور مریضوں کی تعداد میں اضافہ ہو رہا ہے۔ خاص طور پر اسکولی بچوں میں انفیکشن کے بڑھتے معاملوں کے پیش نظر ریاستی حکومت نے انفکشن کی روک تھام کے لیے ہدایات جاری کی ہیں۔
مزید پڑھیں:
- Four SC judges test positive for COVID-19: سپریم کورٹ کے 4 جج کے کورونا وائرس میں مبتلا ہونے کی تصدیق
- یوپی میں کورونا ٹیکہ کاری، 31 اضلاع کورونا سے پاک
کورونا کی تیسری لہر کے کمزور پڑنے کے بعد ایک بار پھر سے کورونا نے دستک دے دی ہے، جس کے خطرے کو دیکھتے ہوئے عوام کو ماسک اور سماجی دوری والے فارمولے کو پھر سے اختیار کرنا ہوگا۔
