ریاست اترپردیش کے ضلع رامپور پہنچ کر انہوں نے جہاں رامپور رضا لائبریری کی تقسیم انعامات کی تقریب میں شرکت کر کے انعامات تقسیم کیے، وہیں انہوں نے دریائے کوسی، بے نظیر فارم، ششو سدن وغیرہ کا معائنہ کیا۔
گورنر کی آمد کے پیش نظر ضلع میں سخت سکیورٹی کے انتظامات کیے گئے تھے۔ اس دوران رامپور انتظامیہ نے گورنر کے پروگراموں سے میڈیا کو دور رکھا۔
اترپردیش کی گورنر آنندی بین پٹیل نے اپنے ایک روزہ دورے پر رامپور پہنچیں۔ جہاں انہوں نے مختلف پروگراموں میں حصہ لے کر عوام سے خطاب کیا۔ صبح 11 بجے وہ ہیلی کاپٹر کے ذریعہ رامپور کے ریزرو پولیس لائن پہنچیں۔ اس کے بعد 11:30 بجے وہ عالمی شہرت یافتہ رامپور رضا لائبریری پہنچیں، جہاں انہوں نے لائبریری گھوم کر وہاں محفوظ نایاب نسخوں اور مخطوطات کو دیکھا۔
اس کے بعد لائبریری میں منعقدہ تقسیم انعامات میں شرکت کرکے انہوں نے طلبا میں ایوارڈ تقسیم کیے۔ تقریب تقسیم انعامات کے بعد رامپور واقع گورنمنٹ شِشو سدن گئیں، وہاں اپنے طے شدہ پروگرام میں شرکت کرکے عوام سے خطاب کیا۔ اس کے بعد بے نظیر فارم گئیں۔
آغا پور گاؤں میں دریائے کوسی کا معائنہ کیا اور گاندھی سمادھی پر دستکاروں سے ملاقات کی۔
گورنر کے تحفظ کے لیے ضلع انتظامیہ اور پولیس کپتان نے ضلع میں سکیورٹی کے سخت انتظامات کیے۔
غور طلب ہے کہ گورنر کے تمام پروگراموں سے میڈیا کو کافی دور رکھا گیا۔
