اترپردیش سرکار نے اعلان کیا ہے کہ وہ ریاست میں مدرسوں سے متعلق تدریسی اور دیگر سرگرمیوں کے لئے مدرسہ بورڈ کے لئے ایک نیا موبائل ایپ تیار کرے گی۔
سرکاری کے ترجمان نے بتایا کہ نئے تعلیمی سال سے یوپی مدرسہ بورڈ کے ڈھائی لاکھ سے زیادہ طلبا موبائل کے ذریعے تعلیم حاصل کریں گے۔ انہوں نے مزید کہا کہ موبائل ایپ تیار کرنے کی تجویز بورڈ کو ارسال کردی گئی ہے۔
انہوں نے مزید بتایا کہ "بورڈ امتحانات کے نتائج کے اعلان کے بعد موبائل ایپ کی تیاری پر کام کیا جائے گا"۔ بورڈ ہر ممکن کوششیں اور انتظامات کرے گا تاکہ طلبہ نئے سیشن سے موبائل ایپ پر تعلیم حاصل کرسکیں۔
مزید پڑھیں: عدالت نے الزام لگاکر الزام واپس لینے پر کاروباری کی سرزنش کی
ترجمان نے کہا کہ "بورڈ ایک موبائل ایپ تیار کرکے اس سیشن سے ہی بچوں کی آن لائن تعلیم شروع کرنے کا منصوبہ بنا رہا تھا۔ لیکن کووڈ کی وجہ سے یہ ممکن نہیں ہو پایا۔ لیکن اب طلباء آنے والے نئے سیشن سے موبائل ایپ پر تعلیم حاصل کر سکیں گے‘‘۔
