ریاست اترپردیش کے ضلع گوتم بدھ نگر کے گریٹر نوئیڈا میں بیٹی پڑھاؤ، بیٹی بچاؤ کے تحت جلوس نکالے گئے۔
اس کے ساتھ ہی لڑکیوں کو خواندہ اور بااختیار بنانے کے لیے مختلف پروگرام کا اہتمام بھی کیا گیا۔
یہ پروگرام نوئیڈا سمیت پورے ضلع میں مختلف افسران کے توسط سے جاری ہے۔
اس سلسلے میں ، 22 جنوری 2020 کو مختلف اسکولز میں، بیٹی بچاؤ بیٹی پڑھاؤ بیداری ہفتہ پروگرام کے تحت پوسٹر میکنگ ، پینٹنگ مقابلوں کا انعقاد کیا گیا ۔
اس میں پینٹنگ کے ذریعے لڑکیوں نے پرجوش انداز میں اپنے تاثرات کااظہار کیا۔
ڈسٹرکٹ پروبیشن آفیسر اتول کمار سونی کے مطابق ضلع کی لڑکیوں کو بااختیار بنانے کے مقصد کے تحت ضلع میں مختلف پروگراموں کا انعقاد کیا جارہا ہے تاکہ ضلع کی لڑکیوں کو سرکاری اسکیمزسے فائدہ حاصل ہوسکے۔
بیٹی بچاؤ بیٹی پڑھاؤ ہفتے کے تحت ، پبلک انٹر کالج ربوپورہ کی طالبات نے مختلف سرگرمیوں کے ساتھ ریلی بھی نکالی گئی۔
