یوپی اسمبلی انتخابات 2022 کے لیے ووٹنگ کی ختم ہو چکی ہے۔ اس دوران کئی مقامات پر چند واقعات بھی رونما ہوئے۔
علی گڑھ میں ہنگامہ
علی گڑھ کے اگلاس اسمبلی حلقہ کے کجروت گاؤں میں واقع پولنگ بوتھ پر ایک خاص برادری کے لوگوں نے ووٹر لسٹ سے غائب ہونے کا الزام لگایا ہے۔
گاؤں والوں کا کہنا ہے کہ کجروت گاؤں میں 700 سے زیادہ ووٹ ہیں، لیکن ووٹر لسٹ سے 400 سے زیادہ ووٹ غائب ہیں۔
صرف 200 کے قریب ووٹ ڈالے گئے ہیں۔ زیادہ تر لوگ اپنا ووٹ کاسٹ نہیں کر سکے۔ اس پر لوگوں نے سخت ناراضگی کا اظہار کیا ہے۔
اس کے علاوہ علی گڑھ کی اگلاس اسمبلی کے ایک بوتھ میں ای وی ایم مشین میں ٹرائل کیے گئے ووٹ کو ڈیلیٹ نہ کرنے پر کافی ہنگامہ ہوا۔ جس کی وجہ سے پولنگ تقریباً دو گھنٹے تک نہیں کی گئی۔ اس پر گاؤں والوں نے نعرے بازی کی اور ہنگامہ بپا کر دیا۔
گاؤں والوں کا کہنا ہے کہ گاؤں میں 115 ووٹر ہیں۔ صبح کی ٹرائل ووٹنگ میں 20 ووٹ ڈالے گئے لیکن ڈیلیٹ نہیں کیے گئے۔ ایس ڈی ایم کے بی سنگھ موقع پر پہنچ کر کسی طرح گاؤں والوں کو سمجھایا۔
متھرا میں ہنگامہ
متھرا کی مانٹ اسمبلی سیٹ سے سماج وادی پارٹی کے امیدوار سنجے لاتھر اور پولس انتظامیہ کے درمیان نوک جھونک ہوگئی۔ پولیس اہلکاروں نے کسی طرح معاملے کو شانت کرایا۔
دراصل ایک بوتھ کے قریب ایس پی کارکنوں کو ہٹانے کے لیے پولس نے لاٹھی چارج کیا تھا۔ جس کی ایس پیز نے مخالفت کی۔ ایس پی امیدوار سنجے لاتھر اور پولس انتظامیہ کے درمیان نوک جھونک ہوئی۔
علی گڑھ میں ای وی ایم خراب
وہیں علی گڑھ کے اتراولی اسمبلی کے بوتھ نمبر 125 کی ووٹنگ مشین خراب ہو گئی ہے۔
