دارالحکومت دہلی سے متصل ضلع غازی آباد میں روزانہ کورونا سے متاثرہ مریضوں کی تعداد بڑھ رہی ہے۔
غازی آباد میں کورونا کے 16 نئے معاملے سامنے آئے ہیں۔ اس طرح سے کل مریضوں کی تعداد 276 ہوگئی ہے۔ حالانکہ فعال مریضوں کی تعداد 59 ہے۔
![غازی آباد میں کورونا کے 16 نئے معاملے](https://etvbharatimages.akamaized.net/etvbharat/prod-images/768-512-7400921-thumbnail-3x2-news_3005newsroom_1590803704_537.jpg)
غازی آباد میں کل 249 معاملے موصول ہوئے ہیں۔ جن میں سے 233 رپورٹیں منفی آئی ہیں۔ یہ انتظامیہ کے لئے راحت کی بات ہوسکتی ہے، لیکن جس طرح مریضوں کی تعداد روزانہ بڑھ رہی ہے، جس کی وجہ سے تشویش بڑھ جاتی ہے۔ لیکن انتظامیہ کا دعوی ہے کہ مریضوں کے صحت یاب کی رفتار بہت زیادہ ہے۔ روزانہ بڑی تعداد میں مریض صحت یاب ہو رہے ہیں۔
انتظامیہ کو سب سے بڑا شبہ یہ ہے کہ دہلی کے رابطے میں آنے کے بعد زیادہ تر مریض انفکشن ہوچکے ہیں۔ اس کے پیش نظرغازی آباد میں سات لاکھ کی آبادی والا کھوڑا علاقہ سیل کردیا گیا ہے۔
اس کے علاوہ تمام سرحدوں کو سیل کردیا گیا ہے۔ لونی بارڈر کو بھی سیل کردیا گیا ہے۔ اس کے علاوہ لونی میں بیرونی لوگوں کی آمد پر مکمل پابندی عائد کردی گئی ہے۔ تمام احتیاطی تدابیر کے باوجود مریضوں کی تعداد میں اضافہ ایک بہت بڑا چیلنج ہے۔