کانگریس کے سابق صدر راہل گاندھی اور جنرل سکریٹری پرینکا گاندھی واڈرا کے ہاتھرس کے ممکنہ دورے کے پیش نظر دہلی بارڈر پر سکیورٹی کے سخت انتظامات کئے گئے ہیں۔
اجے کمار للو نے بتایا کہ انہیں ان کے گھر میں دیر رات ایک بجے سے نظربند کر دیا گیا ہے۔ انہیں کہیں باہر جانے کے لئے منع کیا گیا ہے۔ پولیس کا کہنا ہے کہ ان کی حفاظت کے لئے یہ قدم اٹھایا گیا ہے۔ آخر یہ حکومت کیا چھپانا چاہتی ہے؟ امن و امان کو برقرار رکھنے میں ناکام حکومت احتجاج کی آواز کو بھی دبانا چاہتی ہے۔
دریں اثنا کانگریس کے سابق صدر راہل گاندھی نے ٹویٹ کیا 'دنیا کی کوئی بھی طاقت مجھے ہاتھرس کے اس دکھی خاندان سے مل کر اور ان کا درد بانٹنے سے نہیں روک سکتی ہے'۔
جنرل سیکریٹری پرینکا گاندھی واڈرا نے ٹویٹ کیا 'یوپی حکومت اخلاقی طور پر بدعنوان ہے۔ متاثرہ کو علاج نہیں ملا، وقت پر شکایت نہیں درج نہیں کی گئی، جسد خاکی کو زبردستی جلایا، اہل خانہ کے اراکین قید میں ہیں، انھیں دبایا جارہا ہے۔ اب انھیں دھمکی دی جارہی ہے کہ نارکو ٹیسٹ ہوگا۔ یہ سلوک ملک کو قبول نہیں۔ متاثرہ کے اہل خانہ کودھمکی دینا بند کرو'۔
