لکھنؤ: یوپی بورڈ کے 10ویں اور 12ویں کے امتحانات کے نتائج آج جاری کیے جائیں گے۔ ہائی اسکول کے نتائج کا اعلان دوپہر 2:00 بجے اور انٹرمیڈیٹ کے نتائج کا اعلان شام 4:00 بجے کیا جائے گا۔ UP Board 10th 12th Result 2022۔ بورڈ آف سیکنڈری ایجوکیشن، پریاگ راج کا نتیجہ کونسل کی ویب سائٹ upmsp.edu.in اور upresults.nic.in پر دیکھا جا سکتا ہے۔ اس کا باضابطہ اعلان جمعہ کو کونسل کے سیکرٹری کی جانب سے کیا گیا ہے۔ آج یوپی بورڈ کے 47 لاکھ طلباء کے مستقبل کا فیصلہ ہوگا۔ UP Board Result 2022 Website
طلباء اپنے رول نمبر اور تاریخ پیدائش کی مدد سے امتحان کے نتائج دیکھ سکتے ہیں۔ بورڈ نے دونوں امتحانات کے نتائج ایک ساتھ جاری کرنے کا فیصلہ کیا ہے۔ اس بار تقریباً 51 لاکھ طلبہ نے یوپی بورڈ کے ہائی اسکول اور انٹرمیڈیٹ کے امتحانات میں شرکت کے لیے رجسٹریشن کیے تھے۔ جن میں سے صرف 47 لاکھ طلبہ امتحان میں شریک ہوئے۔ اس میں انٹرمیڈیٹ کے طلباء کی تعداد تقریباً 22 لاکھ ہے۔
