کانگریس کو نہیں ملی احتجاج کی اجازت

دہلی میں جامعہ ملیہ کے طلبہ پر پولس کی سختی کے خلاف احتجاج کی اجازت نہ ملنے پر کانگریس میں مایوسی ہے۔ اس مسئلے کو لیکر کانگریس کارکنان میں انتظامیہ کے خلاف غصہ ہے۔ کارکنان نے انتظامیہ کے اس فیصلے کی شدید مذمت کی ہے اور انہیں کہا ہے کہ ایسا کر کے ان کی آواز کو دبایا نہیں جا سکتا۔

اطلاعات کے مطابق کانگریس کارنان کو ریاستی قیادت کی ہدایت پر ضلع میں جامعہ کے طلباء پر ہوئی پولس کی سختی کے خلاف بارہ بنکی کے چھایا چوراہے پر احتجاج کرنا تھا.

اس کے لئے کانگریس کارکنان نے پہلے انتظامیہ سے زبانی اجازت مانگی لیکن انتظامیہ نے تحریری طور پر اجازت طلب کرنے کی بات کہی۔

تحریری درخواست پر انتظامیہ نے اجازت دینے سے انکار کر دیا. کانگریس کارکنان انتظامیہ کے اس قدم سے مایوس ہیں. انہوں نے انتظامیہ سے کہا ہے کہ انتظامیہ اور حکومت ان کی آواز کودبا نہیں سکتی ہے.