اناؤ ریپ متاثرہ صفدر جنگ اسپتال منتقل

انناؤ جنسی زیادتی کی شکار متاثرہ کو ضمانت پر رہا ملزمین کے ذریعہ زندہ جلانے کی کوشش کی گئی تھی، 80 فیصد جھلسی متاثرہ کو آج دہلی کے صفدر جنگ اسپتال میں داخل کرایا گیا ہے۔

انناؤ اجتماعی جنسی زیادتی کی شکار متاثرہ کو علاج کے لئے دہلی کے صفدرجنگ اسپتال میں داخل کرایا گیا ہے۔ ڈاکٹروں کی رپورٹ کے بعد متاثرہ کو علاج کے لئے لکھنؤ سے ہوائی جہاز کے ذریعہ دہلی لایا گیا تھا۔

وہیں ڈاکٹروں کا کہنا ہے کہ متاثرا کی حالت کافی نازق ہے اور اسے وینٹی لیٹر میں رکھا گیا ہے۔

واضح رہے کہ اتر پردیش کے ضلع اناؤ کے بہار پولیس اسٹیشن کے علاقے میں جنسی زیادتی کے ملزم نے ضمانت پررہائی کے بعد گذشتہ دنوں متاثرہ کو آگ لگاکر زندہ جلانے کی کوشش کی، جس میں وہ 70 سے 80 فیصد تک جھلس گئی اور اس کی حالت انتہائی خراب ہوگئی ہے۔