لاک ڈاؤن کے بعد میرس روڈ پر حبیب گارڈن میں ضلع انتظامیہ کی جانب سے اور عوامی تعاون سے فوڈ بینک قائم کیا گیا جس کا ڈی ایم اور ایس ایس پی نے معائنہ کیا۔
ڈی ایم چندر بھوشن سنگھ اور ایس ایس پی منیرا جی نے فوڈ بینک کے انتظامات کا معائنہ اور جائزہ لیتے ہوئے ڈی ایس او چمن شرما کو اہم ہدایات بھی دیں۔
ضلع علی گڑھ میں ڈیوٹی پر مامور سات مجسٹریٹ کی تیار کردہ فہرست کی بنیاد پر غریب اور ضرورت مندوں کو فوڈ بینک سے کھانا فراہم کیا جائے گا۔
اس فوڈ بینک کی ذمہ داری ڈی ایس او کو دی گئی ہے، اس کے ساتھ ہی ڈی ایم چند بھوشن سنگھ نے بتایا کہ 'فوڈ بینک عوامی تعاون سے قائم کیا گیا ہے جس میں ڈی ایس او کی نگرانی میں آٹا، چاول، دالیں، تیل، آلو، نمک کا انتظام کیا گیا ہے۔
یہ تمام چیزیں گھر گھر جا کر تقسیم کی جائیں گی۔
ڈی ایم نے کہا کہ 'علی گڑھ کی عوام اس فوڈ بینک کے ساتھ تعاون کریں۔
