بجنور: اے ٹی ایم سے پیسے چرانے کی ناکام کوشش

بجنور میں ان دنوں بدمعاشوں کو پولیس کا ذرا بھی خوف نہیں ہے یہاں بدمعاش کھلے عام چوری اور لوٹ جیسی وارداتوں کو انجام دے رہے ہیں۔

اترپردیش کے ضلع بجنور کے تھانہ دھامپور میں کالا گڑھ جیسے راستے پر موجود یوکو بینک کی ایک اے ٹی ایم مشین موجود ہے۔

گذشتہ رات چند نامعلوم بدمعاشوں نے مذکورہ علاقے کے اے ٹی ایم میں موجود لاکھوں روپئے چرانے کی ناکام کوشش کی۔

حالانکہ بدمعاشوں نے اے ٹی ایم مشین کو توڑ دیا لیکن وہ کیش والے حصے سے کیش نہ نکال سکے اور موقع پر چند افراد کو آتا دیکھ وہاں سے فرار ہوگئے۔

مقامی لوگوں نے اس واقعے کی اطلاع پولیس کو دی جس کے بعد پولیس نے بھی فوری کارروائی کرتے ہوئے ڈاگ اسکواڈ ٹیم کی مدد سے بدمعاشوں کی تلاش شروع کردی ہے۔