ریاست اترپردیش کے شہر نوئیڈا کے فیز 2 پولیس نے دو مطلوبہ ملزمین کو گرفتار کرنے میں کامیابی حاصل کی ہے اور واردات میں استعمال ہونے والا ایک ڈنڈہ اور قبضے سے ایک موٹرسائیکل بھی برآمد کرلی ہے۔
دونوں مطلوبہ ملزمین میں سے لکھیت راگھو ولد سمیندر سنگھ راگھو ضلع بلند شہر کا رہنے والا ہے جو ابھی سوٹیانہ پولیس اسٹیشن ایکو ٹیک 3، گوتم بدھ نگر میں رہتا تھا۔ وہیں، آشیش ولد مہیپال سنگھ ضلع بجنور کا رہنے والا ہے جو ابھی دادری روڈ پولیس اسٹیشن فیز 2 کولیسرا بارڈر منڈی کٹ کے سامنے رہتا تھا، وہاں سے دونوں کو گرفتار کیا گیا ہے۔
یہ بھی پڑھیں: اعظم خاں کی اہلیہ تزئین فاطمہ 10 ماہ بعد جیل سے رہا
ملزمین کے قبضے سے جان لیوا حملے میں استعمال ہونے والا ایک ڈنڈا اور ایک موٹرسائیکل برآمد ہوئی ہے۔ ان دونوں پر اقدام قتل اور ایس سی، ایس ٹی ایکٹ کے تحت مقدمات درج تھے اور دونوں کافی دنوں سے فرار چل رہے تھے۔
