میرٹھ کے تھانہ کٹھور علاقے کے شاہجہاں پور قصبے کے رہنے والے دو نابالغ بچوں کی گمشدگی کی رپورٹ تھانا کٹھور میں گزشتہ روز درج کرائی گئی اور انہیں تلاش کیا گیا۔ تاہم آج صبح فتح پور علاقے کے جنگل میں دونوں بچوں کی لاش ملنے کی خبر ملی تو گاؤں اور آس پاس کے علاقے میں سنسنی پھیل گئی۔
ای رکشہ چلاکر مزدوری کرنے والے جان عالم نے پولیس کو بتایا کہ کل شام سے دونوں بچے ان کا ای رکشہ لیکر کہیں چلے گئے تھے بہت تلاش کر نے کے بعد جب ان کا موبائل بھی نہیں لگا تو پولیس کو اطلاع دی گئی لیکن دونوں بچے نہیں ملے۔
آج صبح جب ان کو تلاشنے کی کوشش کی تو دونوں بچوں کی لاشیں فتح پور میں ملی موقع پر پولیس کے اعلیٰ افسران نے علاقے کا معائنہ کر دونوں لاشوں کو پوسٹ مارٹم کے لیے میرٹھ روانہ کر دیا اور قاتلوں کی تلاش شروع کر دی۔
مزید پڑھیں:
مرادآباد: قتل کے الزام میں ایک کو جیل
میرٹھ میں جس طرح سے قتل کی وارداتوں کا سلسلہ رکنے کا نام نہیں لے رہا ہے، ایسے پولیس کو سخت کاروائی کرتے ہوئے ملزمین سے سختی سے نمٹنا چاہئے تاکہ پولیس کے وقار کو برقرار رکھا جاسکے۔
