دادری تھانہ کے ایم یو 2 پر چھاپہ کے دوران ٹاٹا جنون (گاڑی نمبر HR 55 U 4070) اور ہونڈا سٹی (DL4C NC0210) سے 88 کارٹون ضبط کئے گئے جن میں پوامس انڈیا برانڈ کی غیرقانونی شراب کے 3960 بوتلز تھے۔
ضبط شدہ شراب کی قیمت لاکھوں میں بتائی جارہی ہے۔ ٹیم نے چھاپے کے دوران دو ملزمین کو گرفتار کیا ہے جن کی شناخت بلند شہر کے دھرمیندر اور پلول ہریانہ کے بنوری کی حیثیت سے کی گئی جبکہ دیگر دو ملزمین راجن اور گورو فرار ہونے میں کامیاب ہوگئے۔
تمام 4 ملزمین کے خلاف تھانہ دادری میں ایکسائز ایکٹ کی دفعہ 60/63/72 اور آئی پی سی کی دفعہ 420،467،468 کے تحت مقدمہ درج کیا گیا اور گرفتار کئے گئے 2 ملزمین کو جیل بھیج دیا گیا۔ پولیس کی جانب سے مفرور ملزم کی تلاش جاری ہے۔
ڈسٹرکٹ ایکسائز آفیسر راکیش بہادر سنگھ نے کہا کہ شراب کی غیرقانونی منتقلی و فروخت کے خلاف مہم جاری رہے گی اور ملزمین کے خلاف سخت قانونی کاروائی کی جائے گی۔
