غازی آباد: اتر پردیش غازی آباد کے مودی نگر میں سی ایم یوگی پر نازیبا تبصرہ کرنے والے دو لڑکوں کو بھی پولیس نے گرفتار کر لیا ہے۔ گرفتار کیے گئے دوسرے لڑکے پر الزام ہے کہ اس نے وزیر اعلیٰ یوگی آدتیہ ناتھ کے خلاف نازیبا ریمارکس کا ویڈیو سوشل میڈیا پر وائرل کیا تھا۔ ابھی بھی اس کیس میں ایک ملزم مفرور ہے۔ چار دن پہلے سوشل میڈیا پر ایک ویڈیو وائرل ہوا تھا، جس میں ایک نوجوان ریاست کے وزیر اعلیٰ کے خلاف نازیبا تبصرہ کر رہا تھا۔ یہی نہیں وہ پولیس اور مخصوص مذہب کے خلاف بھی تبصرہ کر رہا تھا۔ indecent remarks against CM Yogi Adtiyanath
سی او سنیل کمار سنگھ نے بتایا کہ مفرور ملزم انصار ساکن کلچینا گاؤں کو مخبر کی اطلاع کی بنیاد پر گرفتار کیا۔ انہوں نے بتایا کہ تین روز قبل اس کیس میں افروز کو گرفتار کرکے جیل بھیج دیا گیا ہے۔ اس معاملے میں اب بھی ایک ملزم مفرور ہے۔ سی او سنیل کمار سنگھ نے کہا کہ چوکی انچارج کی طرف سے درج کرائی گئی رپورٹ میں مزید دفعات لگائی گئی ہیں۔ اس کے علاوہ تینوں پر گینگسٹر کارروائی کی جائے گی۔ Remarks on cm Yogi
