پرتاپ گڑھ: اترپردیش کے ضلع پرتاپ گڑھ کے ہتھگنواں علاقے میں پولیس نے اتوار کو ایک مسلح مڈبھیڑ کے بعد 25 ہزار روپئے کے انعامی بدمعاش کو ہتھیار اور گولی بارود سمیت گرفتار کیا ہے۔Reward Miscreant Arrested in Pratapgarh
پولیس ذرائع نے بتایا کہ ایک اطلاع کی بنیاد پر پولیس نے رات تقریباً ڈیڑھ بجے بچھندا مئو سے سنیاواں کی طرف مزرعہ چھچھلیا پلیا کے نزدیک گھیرا بندی کی اور وہاں سے گذر رہے ٹاپ۔10ہسٹری شیٹر اور 25000 روپے کے انعامی بدمعاش ننکا یادو عرف رام سنگھ کو روکنے کی کوشش کی۔ ملزمین نے پولیس ٹیم پر فائرنگ کرتے ہوئے فرار ہونے کی کوشش کی۔ جوابی کاروائی میں اس کے پیر میں گولی لگی جس کے بعد پولیس نے اسے گرفتار کرلیا۔
انہوں نے بتایا کہ زخمی ملزم کو علاج کے لئے سی ایچ سی کنڈا میں داخل کرایا گیا جہاں سے ابتدائی علاج کے بعد اسے ایس آر این اسپتال ضلع پریاگ راج ریفر کیا گیا ہے۔پولیس کے مطابق نانکا یادو پر پرتاپ گڑھ و پریاگ راج کے مختلف مقامات میں 18مجرمانہ مقدمے درج ہیں۔
یہ بھی پڑھیں: One Dead After Unknown Miscreants Fire: نامعلوم شرپسندوں کی فائرنگ میں ایک کی موت
یو این آئی
