سابق مرکزی وزیر مرحوم بینی پرساد ورما Former Union Minister Beni Prasad Verma کی دوسری برسی پر ریاست اتر پردیش کے بارہ بنکی شہر میں واقع موہن لال ڈگری کالج میں خراج عقیدت اجلاس کا اہتمام کیا گیا۔ اجلاس میں بینی پرساد ورما کے حامیوں نے شرکت کی اور انہیں خراج عقیدت پیش کی۔ اسمبلی انتخابات کے بعد ہونے والے پروگرام میں شرکت کرنے آئے سماجوادی پارٹی کے لیڈران کو ان کی کمی کھلی، لیکن انہوں نے یقین دہانی کرائی کہ وہ ان بتائے راستے پر چل کر بہتر کرنے کی کوشش کریں گے۔
موہن لال ڈگری کالج پہنچ کر بینی پرساد ورما کے حامیوں نے سب سے پہلے ان کی قبر اور ان کے مجسمے پر گل پوشی کی۔ اس موقع پر بینی پرساد ورما کی بہو اور سماجی کارکن سدھا ورما نے کہا کہ وراثت جیسی کوئی چیز نہیں ہوتی ہے۔ ہم جب کام کرتے ہیں تبھی یاد کیے جاتے ہیں۔ انہوں مزید کہا کہ بابو جی نے ترقیاتی کاموں کے لیے جو ایک لائن کھینچا ہے۔ ہم اسے پار تو نہیں کر سکتے ہم بس اس پر چل سکتے ہیں۔
وہیں سماجوادی پارٹی کی خاتوں سیل کی قومی صدر جوہی سنگھ نے کہا کہ ان کی وفات کے بعد یہ پہلا انتخابات پارٹی نے لڑا ہے، ہمیں ان کی کمی ضرور کھل رہی ہے۔ لیکن ہم انتخابات میں شکست نہیں کھائے ہیں۔ بلکہ ہمیں شکست دلائی گئی ہے۔ وہیں زیدپور ریزرو اسمبلی نشست سے سماجوادی پارٹی کے رکن اسمبلی گرو راوت نے کہا کہ ہم لوگ بینی ورما کے بتائے راستے پر چل کر ضلع کی جو سماجوادی پارٹی کے گڑھ کے طور پر جو پہچان تھی۔ اسی واپس دلانے کا کام کریں گے۔
