ضلع بارہ بنکی میں کل چھ اسمبلی نشستیں ہیں۔ ان میں سے دریاباد اسمبلی نشست پر بی جے پی کے ستیش شرما نے سماجوادی پارٹی کے سینیئر لیڈر اروند کمار سنگھ گوپ کو 33 ہزار سے زیادہ ووٹوں سے شکست دی ہے۔ ستیش شرما کو 1،27،983 جبکہ اروند کمار سنگھ گوپ کو 95،366 ووٹ حاصل ہوئے ہیں۔ BJP vs SP in Barabanki
اسی طرح حیدرگڑھ اسمبلی نشست سے بی جے پی کے دنیش کمار راوت نے بڑی فتح حاصل کی ہے۔ دنیش کمار راوت نے 1،16،919 جبکہ سماجوادی پارٹی کے رام مگن راوت نے 90950 ووٹ حاصل کئے ہیں۔ BJP vs SP in Barabanki
بی جے پی کو تیسری فتح کرسی اسمبلی نشست سے حاصل ہوئی ہے۔ بی جے کو یہاں فتح کے لیے خوب جدوجہد کرنی پڑی۔ جس کے بعد بی جے پی کے ساکیندر ورما صرف 209 ووٹ سے ہی فتح حاصل کرسکے، یہاں ساکیندر ورما کو 1،18720 جب کہ سماجوادی پارٹی کے راکیش کمار ورما کو 118503 ووٹ حاصل ہوئے ہیں۔ BJP vs SP in Barabanki
سماجوادی پارٹی کو سب سے بڑی فتح صدر اسمبلی نشست سے حاصل ہوئی ہے۔ یہاں سماجوادی پارٹی کے دھرم راج یادو عرف سریش یادو نے بی جے پی کی رام کماری موریہ کو 25 ہزار ووٹوں سے شکست دی ہے۔
یہ بھی پڑھیں: Use of NOTA in Barabanki: نوٹا میں اضافہ ووٹرس میں مایوسی کی علامت
وہیں سماجوادی پارٹی کے گورو راوت نے زیدپور ریزرو اسمبلی نشست پر 2400 ووٹوں سے فتح حاصل کی ہے۔ انہوں نے بی جے پی کے امبریش راوت کو شکست دی۔ وہیں رام نگر اسمبلی نشست پر سماجوادی پارٹی کے سینیئر لیڈر فرید محفوظ قدوائی کامیاب رہے۔ انہوں نے بی جے کے شرد کمار اوستھی کو صرف 261 ووٹس سے شکست دی ہے لیکن انہیں سرٹیفکیٹ کافی تاخیر سے دیا گیا۔ BJP vs SP in Barabanki
