اسلامک شدت پسندی کے خاتمے کے لیے ڈونلڈ ٹرمپ كو ایک بار پھر سے امریکہ کا صدر منتخب کئے جانے كو لیکر میرٹھ میں اكهل بھارتیہ ہندو مہا سبھا نے ہون اور پوجا پاٹھ کا اہتمام کیا ہے۔
ساتھ ہی امریکی عوام سے اپیل بھی کی گئی کہ عالمی امن و امان کے لیے ایک بار پھر سے ڈونلڈ ٹرمپ كو امریکہ کا صدر منتخب کیا جائے۔
میرٹھ میں اكهل بھارتیہ ہندو مہا سبھا کے دفتر میں ڈونلڈ ٹرمپ كو ایک بار پھر سے امریکی صدر چننے کے لیے ہون پوجن کیا گیا۔
یہ بھی پڑھیں: میرٹھ: یوگی آدتیہ ناتھ کے بیان کی مذمت، وکلاء میں ناراضگی
اس موقع پر ہندو مہا سبھا کے صوبائی صدر کا کہنا کہ دنیا میں دہشت گردی کے خاتمے کے لیے ٹرمپ کا چنا جانا بے حد ضروری ہے۔
ان کا ماننا ہے کہ دنیا میں امن و سکون کی بحالی کے لیے اسلامک شدت پسندوں کا خاتمہ کرنا ہوگا اور یہ کام امریکی صدر نے بخوبی انجام دیا ہے۔ اس لیے دنیا میں امن و امان بنائے رکھنے کے لیے ہون اور پوجا کا اہتمام کیا جا رہا ہے۔
اس وقت پوری دنیا کی نگاہیں امریکی صدارتی انتخابات پر مرکوز ہیں۔ ایسے موقع پر میرٹھ میں اكهل بھارتیہ ہندو مہا سبھا نے ڈونلڈ ٹرمپ کے لیے ہون اور پوجا کا اہمتام کرکے خود كو سرخیوں میں لانے کا ذریعہ ضرور تلاش کر لیا ہے۔
