بنارس: تین نئے کورونا مریض کی تصدیق

ریاست اتر پردیش کے ضلع بنارس میں کورونا مثبت مریضوں کی تعداد میں مسلسل اضافہ ہورہا ہے۔

منگل کے شام کو مدن پورہ سے ایک کورونا مثبت کیس کی تصدیق ہونے کے بعد پیترکنڈا کے علاقے سے مزید تین مریض سامنے آئے ہیں۔

یہ سبھی حال ہی میں پائے جانے والے کورونا وائرس سے متاثر مریض کےرشتے دار ہیں۔

واضح رہے کہ ضلع انتظامیہ نے سپاری (ڈلی) کے کاروباری میں کورونا مثبت ہونے کے بعد پورے علاقے کو سیل کر دیا گیا ہے۔

اس کے علاوہ علاقے کو ہاٹ سپاٹ کے طور پر سیل کردیا گیا اور ان کے اہل خانہ کے نمونے بھی تفتیش کے لئے بھیجے دیے گئے ہیں۔

ڈسٹرکٹ مجسٹریٹ کے مطابق ضلع وارانسی میں 3 نئے کورونا مثبت کیسز پائے گئے ہیں.

ان میں سے ایک 45 سالہ خاتون ہے، ایک 21 سالہ لڑکی اور ایک 15 سالہ لڑکا ہے.

ان سب کو ڈی ڈی یو کے آئی سولیشن وارڈ میں منتقل کیا جارہا ہے۔

وارانسی میں کورونا مثبت کیسوں کی مجموعی تعداد 19 ہوگئی ہے۔

ان میں سے 8 مریض ٹھیک ہوگئے ہیں ایک کی موت ہوچکی ہے جب کہ 10 مریض ابھی زیر علاج ہیں۔