ریاست اترپردیش کے ضلع سہارنپور کے تھانہ فتح پور کی پولیس اور کرائم برانچ کی مشترکہ ٹیم کو بڑی کامیابی حاصل ہوئی ہے۔ پولیس نے چیکنگ کے دوران غیر قانونی طریقے سے اسلحہ کی سپلائی کرنے والے تین شاطر افراد کو گرفتار کیا ہے۔ گرفتار کیے گئے افراد کے پاس سے 970 روپے نقد، ایک کار اور بڑی تعداد میں اسلحہ اور کارتوس برآمد ہوئے ہیں۔
واضح ہو کہ کچھ روز قبل سوشل میڈیا پر ایک ویڈیو وائرل ہوئی تھی جس میں ایک شخص طمنچہ سے فائر کرتے ہوئے نظر آرہا تھا۔ جس کے تعلق سے تھانہ فتح پور میں مقدمہ بھی درج کیا گیا ہے۔ جس کے بعد سے کرائم برانچ اور فتح پور کی پولیس نے تحقیق شروع کر دی تھی۔ جس کے سلسلے میں مخبر کی اطلاع پر چیکنگ مہم چلاکر گزشتہ رات چیکنگ کے دوران تین افراد جن میں سچن، دیپک اور نواب کو کلسیا روڈ پر واقع مانڈو والے برج کے پاس سے گرفتار کر لیا گیا ہے۔
پولیس کی تفتیش کے بعد گرفتار کیے گئے ملزمین نے بتایا کہ وہ غیر قانونی طریقے سے اسلحہ کی سپلائی کرتے ہیں اور اپنی حفاظت کے لیے بھی اپنے پاس اسلحہ رکھتے ہیں۔
انہوں نے بتایا کہ گرفتاری کے بعد جو اسلحہ اور کار برآمد کی گئی ہے وہ کار کی نمبر پلیٹ بدل کر اسلحہ کو دہرہ دون اور دیگر مقامات پر فروخت کرنے کے لیے لے جا رہے تھے۔ انہوں نے بتایا کہ پولیس پر فائر اس لیے کیا تھا تاکہ وہ فرار ہو سکیں۔
'عیدگاہ میں نماز ہونی چاہیے'
پولیس نے بتایا کہ تینوں افراد کو غیر قانونی اسلحہ کے ساتھ گرفتار کیا گیا ہے۔ جس میں سے گرفتار کیے گئے ایک شخص کے خلاف مختلف دفعات میں پہلے سے ہی فتح پور تھانہ میں مقدمہ درج ہے۔
اس سلسلے میں ایس پی سٹی ونت بھٹناگر نے بتایا کہ کچھ روز قبل سوشل میڈیا پر ایک ویڈیو وائرل ہو رہی تھی۔ جس میں ایک شخص طمنچہ لہراتے ہوئے نظر آرہا تھا اور اس کے پیچھے دو دیگر ساتھی ویڈیو بنا رہے تھے۔ اس سلسلے میں تھانہ فتح پور میں مقدمہ درج ہے اور جانچ کی جا رہی تھی۔
گزشتہ رات چیکنگ کے دوران مذکورہ تینوں افراد کو گرفتار کر لیا گیا ہے۔ تینوں کے پاس سے بڑی تعداد میں غیر قانونی اسلحہ برآمد کیا گیا ہے۔ جو فروخت کرنے کے لیے دوسری جگہ لے جا رہے تھے۔ گرفتار شدہ تینوں ملزمین کو سنگین دفعات میں مقدمہ درج کرکے جیل بھیج دیا گیا ہے۔
