کورونا وائرس کے پیش نظر مک میں جاری لاک ڈاؤن کی وجہ سے عالمی شہرت یافتہ علی گڑھ مسلم یونیورسٹی (اے ایم یو) کے زیرانتظام جامع مسجد سمیت کسی بھی مساجد میں عید الفطر کی نماز ادا نہیں کی جائے گی۔
اے ایم یو کے ناظم دینیات پروفیسر محمد سلیم نے یہ اطلاع دیتے ہوئے کہا کہ مسلمان اپنے گھروں میں عید کے بجائے نماز چاشت ادا کریں اور سوشل ڈسٹنسنگ کو برقرار رکھیں۔
انہوں نے کہا کہ 'عید الفطر کی نماز فرض نہیں ہے اور ایسے وقت میں جب صحت عامہ کو سنگین خطرات لاحق ہے تو لوگ اسلامی اصولوں اور احکامات کے مطابق متبادل نمازیں ادا کر سکتے ہیں۔
پروفیسر سلیم نے مزید زور دیتے ہوئے کہا کہ نماز سے قبل صدقہ فطرہ عطا کرنا ضروری ہے اس لیے عید کی نماز باجماعت نہ ہونے کے باوجود مسلمان نماز سے قبل صدقہ فطرہ ضرور ادا کریں۔
