اس تناظر میں چھجارسی کالونی میں ایس پی کارکنوں نے کنور بلال برنی اور سشیلا بھارتی کی قیادت میں لوگوں کو ایس پی کی پالیسیوں سے آگاہ کیا گیا۔
اس کے علاوہ سیکٹر 51 میں ایس پی کارکنوں نے لوگوں میں کتابچہ تقسیم کئے۔ ایس پی کے ترجمان راگھویندر دبے نے کہا کہ اتر پردیش میں امن وامان کی صورتحال حد درجہ بدترین ہے۔
قتل ، ڈکیتی ، عصمت دری کے واقعات عام ہوگئے ہیں۔ غازی آباد میں صحافی کو بھانجی سے بدتمیزی کرنے کی مخالفت کرنے پر شرپسندوں نے گولی مار دی۔
ریاست بھر میں مجرموں کی بالادستی ہے۔ مجرم جیل میں رہنے کی بجائے سڑکوں پر بے خوف گھوم رہے ہیں۔
ایس پی رہنما کنور بلال برنی نے کہا کہ بی جے پی حکومت میں انتشار کی فضا ہے ، اس حکومت میں کوئی بھی بڑا منصوبہ یا کسی بھی طرح کا کوئی ترقیاتی کام نہیں ہوا ہے ، جیسے ہی 2022 میں ایک بار پھر اکھلیش یادو کی سوشلسٹ حکومت تشکیل پائے گی ، ریاست میں رکنے والے تمام ترقیاتی کاموں کو تیز تر کردیا جائے گا اور بدعنوانی پر قابو کے ساتھ ہی ریاست میں امن و امان بحال ہوگا۔
اس موقع پر کنور بلال برنی ، شکیل سیفی ، راہول یادو ، سشیلا بھارتی ، رام ویرسنگھ دلشاد خان ، حنیف سیفی ، اجے یادو ، نیشا ، ریہانہ ، رام پیاری، پشپا ، راجرانی سمیت ایس پی کے دیگر کارکنان موجود تھے۔
