سڈنی (آسٹریلیا): ٹیم انڈیا کی تاریخ میں یہ پہلا موقع ہے کہ کسی کپتان نے سیریز کے بیچ میں خود کو پلیئنگ 11 سے ڈراپ کیا ہو۔ روہت شرما ہندوستان اور آسٹریلیا کے درمیان سڈنی کرکٹ گراؤنڈ میں کھیلے جا رہے بارڈر-گاوسکر ٹرافی کے پانچویں ٹیسٹ میں ٹیم انڈیا کے پلیئنگ 11 کا حصہ نہیں ہیں۔ ایسا بین الاقوامی کرکٹ میں بھی کم دیکھنے میں آتا ہے۔
A stunning selection call with the #AUSvIND series and a #WTC25 Final spot on the line 🏏
— ICC (@ICC) January 3, 2025
More from Sydney 👉 https://t.co/zQixhjIHG3 pic.twitter.com/7GzXqaSA0K
روہت شرما پہلے کپتان ہیں جو پلیئنگ 11 سے ڈراپ ہوئے:
روہت شرما سیریز کے درمیان میں خود کو ڈراپ کرنے والے پہلے ہندوستانی کپتان بن گئے ہیں۔ سڈنی ٹیسٹ میں ان کی غیر موجودگی میں تیز گیند باز جسپریت بمراہ ٹیم انڈیا کی کپتانی کر رہے ہیں۔ بین الاقوامی کرکٹ کی تاریخ میں ایسا صرف چار بار ہوا ہے کہ کسی کپتان نے سیریز کے بیچ میں خود کو پلیئنگ 11 سے باہر کر دیا۔
انٹرنیشنل کرکٹ میں ایسی مثالیں جب کپتان نے سیریز کے بیچ میں خود کو ڈراپ کر لیا:
1- مائیک ڈینیس (انگلینڈ): مائیک ڈینس نے ایشیز 1974 کے چوتھے ٹیسٹ کے لیے خود کو ریسٹ دیا تھا۔ ان کی جگہ جان ایڈریچ نے سیریز میں ٹیم کی قیادت کی تھی۔ |
2- مصباح الحق (پاکستان): 2014 میں اس وقت کے پاکستانی کپتان نے آسٹریلیا کے خلاف سیریز کے تیسرے ون ڈے کے لیے خود کو پلیئنگ 11 سے ڈراپ کر لیا تھا۔ ان کی جگہ شاہد آفریدی نے ٹیم کی قیادت کی تھی۔ |
3- دنیش چندیمل (سری لنکا): 2014 کے T20 ورلڈ کپ میں، دنیش چندیمل نے ٹورنامنٹ کے آخری 3 مقابلوں کے لیے خود کو آرام دیا تھا، جس میں سیمی فائنل اور فائنل بھی شامل تھا۔ ان تینوں میچوں کے دوران سری لنکن لیجنڈ لاستھ ملنگا نے کپتانی کی تھی۔ |
4- روہت شرما (ٹیم انڈیا): بھارتی کپتان روہت شرما کرکٹ کی تاریخ کے چوتھے کپتان بن گئے ہیں جنہوں نے ایک سیریز کے بیچ میں خود کو پلیئنگ 11 سے ڈراپ کیا ہے۔ تیز گیند باز جسپریت بمراہ بارڈر-گاوسکر سیریز 2024-25 کے 5ویں ٹیسٹ میں ان کی جگہ ٹیم انڈیا کی کپتانی سنبھال رہے ہیں۔ |
Jatin Sapru and Irfan Pathan back #RohitSharma’s decision to rest, with #ShubmanGill playing the Sydney Test of #BorderGavaskarTrophy 🤔#AUSvINDOnStar 👉 5th Test, Day 1 | LIVE NOW pic.twitter.com/ztqnbZ0pQs
— Star Sports (@StarSportsIndia) January 3, 2025
روہت شرما خراب فارم سے گزر رہے ہیں:
ٹیم انڈیا کے ریگولر ٹیسٹ کپتان روہت شرما بارڈر گواسکر ٹرافی میں خراب فارم سے نبرد آزما ہیں اور وہ اپنی پانچ اننگز میں سے کسی بھی اننگز میں 10 سے زیادہ رنز نہیں بنا سکے۔ سڈنی ٹیسٹ سے قبل جمعرات کو ٹیم کے پریکٹس سیشن کے دوران روہت سلپ کورڈن میں موجود نہیں تھے، جہاں کھلاڑی کیچنگ کی مشق کر رہے تھے۔ اس کے علاوہ، جب ویراٹ کوہلی، یشسوی جیسوال، نتیش کمار ریڈی اور کے ایل راہل کو پریکٹس سیشن میں حصہ لیتے ہوئے دیکھا گیا، روہت کو ڈریسنگ روم میں الگ تھلگ بیٹھے دیکھا گیا۔
🚨 Here's #TeamIndia's Playing XI 🔽
— BCCI (@BCCI) January 2, 2025
UPDATES ▶️ https://t.co/cDVkwfEkKm#AUSvIND pic.twitter.com/BO2pofWZzx
کیا روہت شرما ٹیسٹ سے ریٹائر ہوں گے؟
روہت کے ریٹائرمنٹ کے بارے میں قیاس آرائیاں کی جا رہی ہیں، کیونکہ وہ سیریز میں رنز بنانے کے لیے جدوجہد کرتے نظر آئے۔ سیریز میں پہلے، نمبر 6 پر بلے بازی کرنے کے بعد، روہت نے آخری میچ میں اننگز کا آغاز کیا، جب کہ کے ایل راہل کو ون ڈاون بیٹنگ کرنے پر مجبور کیا گیا اور شبمن گل کو بینچ کیا گیا۔ نیز، روہت کے ریٹائرمنٹ کی افواہوں نے اس وقت زور پکڑا جب ہیڈ کوچ گوتم گمبھیر نے روہت کی موجودگی کے حوالے سے ایک محتاط جواب دیتے ہوئے کہا کہ یہ کھیل کے حالات پر منحصر ہوگا۔
یہ بھی پڑھیں:
