مغربی اترپردیش کے تمام اضلاع سمیت رامپور میں آج صبح جیسے ہی موسم نے کروٹ بدلی دن میں ہی چہار جانب اندھیرا چھا گیا اور تیز ہواؤں کے ساتھ ہوئی موسلادھار بارش سے گرمی کے موسم میں درجہ حرارت میں کافی گراوٹ آگئی۔
موسلادھار بارش سے موسم خوشگوار، ویڈیو
موسم میں ہوئی اچانک تبدیلی سے روزے داروں کو راحت محسوس ہوئی دن میں ہی سیاہ بادل چھا جانے کی وجہ سے اندھیرا ہو گیا تھا جس کی وجہ سے گھروں میں لائٹیں جلانی پڑیں۔
جبکہ بارش کے ساتھ تیز رفتار ہوا نے درجہ حرارت کو مزید کم کر دیا۔
بارش سے موسم خوشگوار تو ہوگیا لیکن تصویر کا دوسرا رخ یہ رہا کہ سڑکوں اور راستوں پر پانی بھر گیا جبکہ کسان تشویش میں مبتلا ہو گئے کہ اگر مزید بارش ہوئی تو کھیتوں مین بھی پانی بھرنے کا خدشہ ہے کیوں کہ اس وقت گیہوں کی فصل کی کٹائی جاری ہے۔
