اس موقعے پر مدارس کے طلباء کے مابین نعتیہ مقابلے کا انعقاد کیا گیا جس میں 50 مدارس کے طلباء نے حصّہ لیا۔ یہ مقابلہ صبح سے دیر شام تک جاری رہا۔
تمام ججز کے فیصلے کے بعد دارالعلوم نظامیہ ملہور کے طالب علم ساجد نے اول مقام حاصل کیا جبکہ دارالعلوم رضائے مصطفی غوثیہ مسجد محب اللہ پور کے طالب علم محمد سمیر نے دوسرا مقام حاصل کیا۔
دارالعلوم رضائے مصطفی کے پرنسپل قاری سلیم نے بتایا کہ' دوسرا مقام حاصل کرنےوالے طالب علم محمد سمیر کے اہل خانہ نہایت غریب ہیں ۔ اہل خانہ کے پاس طالب علم کی فیس و دیگر اخراجات کی استطاعت نہیں ہے ایسے میں سمیر نے دوسرا مقام حاصل کر کے نام روشن کیا ہے'۔
غور طلب ہے کہ مزار کے سجادہ نشین نے اعلان کیا تھا کہ بیس برس سے کم عمر کے طالب علم حصہ لے سکتے ہیں اور شرکت کرنے والے طالب علم کی ایک برس کی فیس ادا کی جائے گی۔
