بھارت کے دو روزہ دورے کے تحت آج آگرہ پہنچے صدر ڈونلڈ ٹرمپ نے اپنے اہل خانہ کے ساتھ ایک گھنٹہ تاج محل کے احاطے میں گذارا۔
مسٹر ٹرمپ اپنی اہلیہ ملینیا ٹرمپ کا ہاتھ تھامے گائڈ سے انمول ورثے کے بارے میں معلومات حاصل کررہے تھے، وہیں ان کی بیٹی اور صلاح کار ایوانکا اپنے شوہر جیریڈ کشرنر کے ساتھ تاج کی خوبصورتی کو دزدیدہ نگاہوں سے دیکھ رہی تھیں، اس درمیان انہوں نے اپنے فون سے کئی فوٹوز بھی کھینچے۔
تاج محل پہنچ کر ڈونلڈ ٹرمپ نے ویزیٹر بک میں اپنا پیغام لکھا کہ 'تاج محل ہمیں متأثر اور حیران کرتا ہے، اسے وقت میں قید کرکے نہیں رکھا جاسکتا تاج بھارت کے خوشحال اور متنوع تہذیب کا یہ جیتا جاگتا ثبوت ہے، شکریہ بھارت'۔
اس سے قبل بھارت امریکہ کے رشتوں میں مضبوطی فراہم کرنے کا اشارہ کرتے ہوئے ٹرمپ نے تاج محل میں داخلے سے قبل اپنے ٹوئٹ میں لکھا کہ 'امریکہ اور بھارت اپنے ممالک کو مضبوط بنائیں گے، اپنے لوگوں کو احترام فراہم کریں گے، بڑے سپنے دیکھنے والوں کو اور بڑا بنائیں گے اور اپنا مستقبل پہلے سے کہیں زیادہ روشن بنائیں گے، یہ تو ابھی شروعات ہے'۔
خیال رہے کہ ٹرمپ کے ساتھ ان کی بیوی ملینا ٹرمپ کے علاوہ بیٹی اوانکا اور داماد جیریڈ کشنر بھی تاج کی خوبصورتی دیکھنے پہنچے تھے، ٹرمپ اپنے اراکین اہل خانہ کے ساتھ تقریباً ایک گھنٹہ تاج محل میں گذارے۔ اس دوران ٹرمپ نے ویزیٹر بک میں اپنا پیغام بھی لکھا 'بعد میں ٹرمپ جوڑا ڈائنا بینچ پہنچے اور تاج کی خوبصورتی کو جی بھر کر دیدار کیا۔
اس سے قبل گجرات پہنچنے پر ٹرمپ نے اپنے ہندی ٹوئٹ میں لکھا تھا کہ 'خاتون اول اور میں اس ملک کے ہر شہری کو ایک پیغام دینے کے لیے دنیا کا 8000 میل کا چکر لگا کر یہاں آئے ہیں'۔
انہوں نے کہا کہ امریکہ بھارت سے پیار کرتا ہے، امریکہ بھارت کا احترام کرتا ہے، اور امریکہ کے لوگ ہمیشہ بھارت کے لوگوں سے سچے اور مخلص دوست رہیں گے۔
