سماجی اور ملی تنظیم فرزانہ بیگم میموریل ٹرسٹ کی جانب سے جمعرات کو اتر پردیش عربی فارسی مدرسہ بورڈ کے سیکنڈری اور ہائیر سیکنڈری کے ضلع ٹاپرس کا اعزاز کیا گیا. واضح رہے کہ مدرسہ بورڈ کے سیکنڈری اور ہائیر سیکنڈری کے عربی فارسی میڈیم کے کل 19 طلباء ضلع ٹاپرس رہے ہیں، بارہ بنکی ضلع میں مدرسہ بورڈ کے طلباء کا اس قسم کا اعزاز پہلی دفعہ کیا گیا ہے۔
Madrasah students were honored
واضح رہے کہ فرزانہ بیگم میموریل ٹرسٹ نے رواں برس سے مختلف بورڈز کے ٹاپرس طلباء کے لئے اعزاز کی مہم شروع کی ہے، اس مہم کے تحت اب تک مذکورہ تنظیم کی جانب سے دو سو سے زیادہ طلباء کا اعزاز سے نوازا گیا ہے
مدرسہ بورڈ کے طلباء کا اعزاز اس کی جانب سے پہلی دفعہ کیا گیا ہے. ٹرسٹ کے بانی اے ایچ عثمانی نے بتایا کہ اب تک مدرسہ بورڈ کے طلباء کو کوئی اہمیت نہیں دیتا تھا. اسلئے انہیں محسوس ہوا کہ وہاں کے طلباء کا بھی اعزاز کرکے ان کی حوصلہ افزائی کی جائے. کیونکہ مدارس کے بچوں کا ہنر منظر عام تک نہیں آ پاتا۔
مزید پڑھیں:Madrasa Board Results: یوپی مدرسہ بورڈ امتحانات کے نتیجے آنے کے بعد طلبا میں مایوسی
اعزاز سے سرفراز کئے گئے طلبا بھی کافی مسرور نظر آئے، انہوں نے ٹرسٹ کے بانی ڈاکٹر اے ایچ عثمانی کا شکریہ ادا کیا، وہیں مدارس کے اساتذہ نے بھی ڈاکٹر اے ایچ عثمانی کے اس اقدام کی ستائش کی. ان کے مطابق اس قسم کے پروگرام سے مدرسے کے طلباء بہتر کرنے کے لئے متاثر ہوں گے۔
