مرادآباد: کورونا گائڈ لائن کے تحت مجالس اور ماتم کا سلسلہ جاری

اترپردیش کے ضلع مرادآباد میں کورونا گائڈ لائن پر عمل کرتے ہوئے مجلس ماتم کا سلسلہ جاری ہے، ضلع کی تمام امام بارگاہوں میں حضرت امام حسین علیہ السلام کی شہادت کو یاد کرتے ہوئے علماء عوام کو خطاب کر رہے ہیں۔

ماہ محرم کا چاند نظر آتے ہی ملک کی تمام امام بارگاہوں، عبادت گاہوں اور عزا خانوں میں مجلس ماتم کا سلسلہ شروع ہوجاتا ہے، اس سلسلے میں ریاست اترپردیش کے ضلع مرادآباد کی تمام امام بارگاہوں میں مجلس ماتم کا سلسلہ شروع ہوچکا ہے۔

مرادآباد کی امام بارگاہ میر شہادت علی خاں میں مولانا حسن مجتبیٰ نے مجلس کو خطاب کرتے ہوئے کہا کہ حضرت امام حسین علیہ السلام نے کربلا میں انسانیت کا پیغام دیا اور دینِ اسلام کو بچانے کے لیے اپنے ساتھیوں کے ساتھ شہادت پیش کی۔

کورونا گائڈ لائن پر عمل کرتے ہوئے مجلس ماتم کا سلسلہ جاری ہے، اس دوران سماجی فاصلہ کو برقرار رکھتے ہوئے، سینیٹائزر کا استعمال اور عوام کی تعداد کے درمیان مجلس کا انعقاد کیا جارہا ہے۔