رمضان المبارک کے مہینے میں ملک بھر کے مسلمان معمول سے بڑھ کر اللہ کی عبادت میں مشغول ہیں۔ اسی سلسلے میں ریاست اتر پردیش کے ضلع مرادآباد کے مفتی عبد المنان نے رمضان کی اہمیت و فضیلت پر روشنی ڈالتے ہوئے کہا کہ رمضان میں تین عشرے ہوتے ہیں۔ ہر عشرہ اپنی ایک الگ فضیلت رکھتا ہے۔ پہلے عشرے کو رحمتوں کا عشرہ کہا جاتا ہے۔
اس مہینے میں خدا اپنے بندے کے گناہوں کو معاف کر دیتا ہے۔ اگر کوئی شخص دل سے توبہ کرے اللہ اس کی توبہ کو ضرور قبول کرتا ہے۔ رمضان میں ہی قرآن پاک کا نزول ہوا تھا۔ اس لیے اس مہینے کو قرآن کی تلاوت کے لیے موسم بہار کہا جاتا ہے۔ ان دنوں قرآن کی تلاوت کا عام دنوں کے مقابلے سے زیادہ ثواب ملتا ہے۔ یہ مہینہ مسلمانوں کے لیے رب العالمین کی طرف سے بہت بڑی نعمت ہے۔
رمضان کے مہینے میں خدا کی رحمت جوش میں آ جاتی ہے اور خدا جنت کے دروازے کھول دیتا ہے اور دوزخ کے دروازے کو بند کر دیتا ہے۔ اسی مہینے میں شیاطین کو قید کر دیا جاتا ہے۔ قرآن اور حدیث میں رمضان کے مہینے کی فضیلتیں بیان کی گئیں رمضان کا مہینہ توبہ اور استغفار کا مہینہ ہیں۔
