دہلی کی سرحدوں پر جاری کسان کے احتجاج کو کسانوں کی مختلف تنظیموں اور غیر سیاسی تنظیموں کی جانب سے ملنے والی حمایت میں مسلسل اضافہ ہو رہا ہے۔ اسی درمیان بھارتیہ سوشلسٹ منچ نے بھی کسان تحریک کی حمایت کا اعلان کیا ہے اور اسے سینکڑوں کی تعداد میں کارکنان اتر پردیش کے انچارج دیویندر اوانہ، قومی ترجمان چرن سنگھ راجپوت، دیویندر گجر کے ہمراہ غازی پور سرحد پر پہنچ گئے ہیں۔
اس موقع پر بھارتیہ سوشلسٹ منچ کے ترجمان چرن سنگھ راجپوت نے وہاں موجود لوگوں کو خطاب کرتے ہوئے کہا کہ یہ کسان تحریک اب عوامی تحریک کی شکل اختیار کر چکی ہے۔
ان کالے زرعی قوانین کی واپسی کو لے کر اٹھنے والی تحریک نے آج عوام کو ایک پلیٹ فارم پر کھڑا کردیا ہے۔ مودی حکومت نے کافی عرصے سے عوام کو بانٹ کر اپنی سیاسی روٹی سیکا ہے۔
تاہم آج کسانوں کی اس تحریک نے سب کو ایک بار پھر یکجا کر کے مرکزی حکومت کی ہٹ دھرمی کو چیلنج کردیا۔
پورا ملک آج بی جے پی حکومت اور اس کی پالیسیوں کے خلاف ہے۔چند سرمایہ داروں کے ہاتھوں میں کھیلنے والی حکومت کو عوام کی شدید مخالفت کا سامنا ہے۔
یہ بھی پڑھیں: پرینکا گاندھی کا قافلہ حادثے کا شکار، کانگریس کا بی جے پی پر سنگین الزام
جس نے اسے پریشانی میں مبتلا کر دیا ہے اور اس کے تمام حربے ناکام ثابت ہوتے جا رہے ہیں اور ہم جب تک یہاں کھڑے رہیں گے جب تک ان کالے قوانین کے واپسی نہیں ہوجاتی بلکہ سرکار کو دیگر امور پر بھی گھیرا جائے گا۔
